Carlo Goldoni
La buona moglie

ATTO TERZO

SCENA SESTA

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

SCENA SESTA

 

Momola coll’ovo fresco, e dette.

 

MOM. El vovo xe coto: lo vorla?

BETT. Mo, se no ghe n’ho vogia.

CAT. Lassa veder, l’astu coto ben? (a Momola, e prende l’ovo)

MOM. Oh, adessadesso no saverò gnanca cusinar un vuovo.

CAT. Sì ben, sì ben, el sta pulito. Tiò, fia, bevilo.

BETT. Mo via, che me fe voltar el stomego.

CAT. Tiolo, se ti me vol ben.

BETT. Se savessi che rabia che me fe.

CAT. Cara ti, fazzo per to ben. Vustu morir?

BETT. Se moro, cossa v’importa a vu?

CAT. Senti, ti gh’ha da pensar ti, veh. No ti lo vol?

BETT. Ve digo de no.

CAT. Ben, lo beverò mi. To dano. (lo beve)

BETT. (Magari tanta scatà). (da sé)

CAT. Oe, co no se beve drio ai vuovi freschi, i fa mal; andemo, Momola, vieme a dar da bever. (parte)

BETT. No ghe dar gnente. (a Momola)

MOM. Siora no, siora no. (Oh, se ghe ne vôi dar. La m’ha impromesso de maridarme). (da sé, parte)

 

 

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License