Carlo Goldoni
Il campiello

ATTO PRIMO

Scena Quarta. Sansuga dalla locanda, e la suddetta

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

Scena Quarta. Sansuga dalla locanda, e la suddetta

 

SANSUGA Cossa mai se pol far? co sti foresti,

No se pol dir de no.

Parlerò co la puta, el servirò.

Camerier anca mi son de locanda:

No se pol dir de no, co i ne comanda.

Patrona reverita.

GASPARINA Ve zaludo.

SANSUGA Cognossela quel sior, che venudo?

GASPARINA Mi no. Chi zèlo?

SANSUGA Un cavalier.

GASPARINA Dazzeno?

SANSUGA El un, ch'ha per ela de la stima,

E col l'ha vista el cascà a la prima.

GASPARINA E mi me cognozzeu?

SANSUGA So chi la .

GASPARINA Ben co me cognozzè,

Zaverè, che con mi

No ze parla cuzì.

SANSUGA No ghe mal. No voggio miga dir...

Ghe basta de poderla reverir.

GASPARINA No m'àlo zaludà?

SANSUGA vero, ma nol sa,

Se la l'abbia aggradido el so saludo.

GASPARINA Via dizèghe a quel zior, che nol reffudo.

SANSUGA Se el vien sulla terazza

Che dirala qualcossa?

GASPARINA Via, zior .

SANSUGA Che piàselo quel sior?

GASPARINA Cuzì, e cuzì.

SANSUGA Lo vago a consolar.

GASPARINA Oe, lo zàlo, che zon da maridar?

SANSUGA El lo sa certo.

GASPARINA El zàlo,

Che zon puta da ben, ma poveretta?

SANSUGA Za l'ho informà de tuto.

La staga un tantin.

GASPARINA Zioria, bel puto. (Sansuga entra nella locanda)

Oh la una gran cozza,

Per una da par mio

Non aver dota da trovar mario.

Mio barba vegnù

Da caza de colù; el va dizendo:

«Vorave nezza, che ve maridezzi».

Ma gnancora no zo ze el gh'abbia bezzi.

Zior? chiàmelo? El elo

Dazzeno, che me chiama; tolè zuzo,

Bizognerà, che vaga;

Qua nol vol, che ghe ztaga.

Come vorlo, che fazza a maridarme?

Dazzeno, che zon ztuffa.

E ze ghe tendo a lu farò la muffa. (parte)

 

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License