Carlo Goldoni
Il geloso avaro

ATTO PRIMO

SCENA SETTIMA

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

SCENA SETTIMA

 

Traccagnino e detto.

 

TRACC. Sior padron, son qua.

PANT. Cossa gh'è? Cossa vustu? Perché vienstu senza dir gnente? (nasconde l'oro)

TRACC. Oh, gh'è delle novità, signor.

PANT. Cossa fa mia muggier?

TRACC. Cossa che la fazza mi nol so.

PANT. No ti l'ha vista?

TRACC. Signor no.

PANT. Perché no l'astu vista?

TRACC. Perché l'era serrada in camera.

PANT. Sola?

TRACC. Oh, signor no, sola.

PANT. Colla serva?

TRACC. Colla serva e con el servo.

PANT. Come? Un omo in camera de mia muggier?

TRACC. Alla voze el m'ha parso un omo sigura.

PANT. Ah desgraziada! presto: l'astu cognossù alla ose?

TRACC. Sior no, perché i parlava pian.

PANT. Furbazzi! el mio onor; el mio pan: mi spendo, e i altri gode. (va ponendo i denari in borsa) Allocco, no ti ha inteso gnente, gnente?

TRACC. Non ho sentido altro che una parola sola.

PANT. Coss'ela sta parola?

TRACC. Ho sentido la padrona a dir: vogliatemi bene.

PANT. Vogliatemi bene? La mazzerò... Ma la Giustizia? La ripudierò: ah, ste lite le costa troppo! La bastonerò, la farò star in letto. Presto, la voggio trovar sul fatto. Ma no vorave entrar in qualche brutto impegno. No so chi diavolo possa esser colù. Traccagnin, presto, torna alla camera de mia muggier, procura de sentir; varda, séntime ben, varda una quarta in circa de sotto alla serraura, ti troverà un buso, e per de ti vederà pulito.

TRACC. Come savè che ghe sia sto buso? Mi no l'ho visto.

PANT. El ghe xe; l'ho fatto mi. Va subito, che te aspetto.

TRACC. Vado. (Vardè, se l'è maledetto: el va a far un buso in te la porta, per spiar i fatti de so muier; e sì, el pol far quel che el vol, che se la muier ghe n'ha voia, no servebusi, né cadenazzi). (da sé, parte)

 

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License