Carlo Goldoni
Componimenti poetici

POESIE IN LINGUA E IN DIALETTO DEL PERIODO VENEZIANO (1748 - 1762)

CANZONETTA VENEZIANA

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

CANZONETTA VENEZIANA

 

Sior omo generoso,

El cuor vu me offerì?

Cossa m’importa a mi

De sto regalo?

Co no ghavè de meggio

Con mi per farve onor,

Tolè sto mio conseggio,

No stè a parlar d’amor.

Tegnivelo, godevelo,

Salvevelo, pettevelo,

Sior generoso, el cuor.

 

El cuor val un tesoro,

Lo so che me dirè,

Ma pochi ghe ne xe

Che sia sinceri.

No sta in te le parole

El merito maggior:

Ghe xe delle cariole

Che gh’ha un bell’esterior.

Tegnivelo, godevelo,

Salvevelo, pettevelo,

Che mi no credo al cuor.

 

La xe una bella prova

Per dir che se vol ben,

Quando che zo se vien

Coi regaletti.

La xe una cossa equivoca

Sto dir: ve porto amor;

Ma penetra le viscere

Dell’oro el bel splendor.

Tegnivelo, godevelo,

Salvevelo, pettevelo,

Che no ve vedo el cuor.

 

No l’è certo interesse

Quello che parla in mi;

Me fa pensar cussì

L’usanza sola.

Se a vu no se ve crede,

No, no ve stupor,

Ché se cognosse e vede

Dall’opere l’amor.

Tegnivelo, godevelo,

Salvevelo, pettevelo,

Senza le prove, el cuor.

 

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License