Carlo Goldoni
L'uomo di mondo

ATTO PRIMO

SCENA QUINTA

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

SCENA QUINTA

 

Ludro e Truffaldino

 

LUD. Tolè, sier facchin, diese soldi. Ve basteli?

TRUFF. A mi diese soldi? Diese soldi a un omo della mia sorte?

LUD. Cossa voleu che ve daga?

TRUFF. Almanco, almanco una lirazza voggio5.

LUD. Caspita! Se vadagnessi cussì, ve faressi ricco.

TRUFF. Mi laoro poco, e quel poco che laoro, vôi che i me paga ben.

LUD. No troverè nissun, che ve daga da laorar.

TRUFF. No m'importa; se no laoro, gh'ho una sorella che no me lassa mancar el mio bisogno.

LUD. Che mistier fala?

TRUFF. La lavandara. Ma no la lava gnanca tre camise alla settimana.

LUD. Bisogna che i ghe le paga molto pulito le lavadure delle camise.

TRUFF. La gh'ha dei boni avventori; ghe n'è de quelli, che ghe dei ducati alla volta, e che i ghe dona anca le camise.

LUD. Bon! gh'avè una brava sorella.

TRUFF. E cussì, me pagheu, sior Ludro?

LUD. Via, tolè un da quindese.

TRUFF. Diseme, caro vu, quel sior cossa v'alo da pagarme?

LUD. Gnente. Per adesso ve pago del mio.

TRUFF. Ho sentì che l'ha dit a so muier, che el v'ha mezo felippo.

LUD. El me l'ha el mezo felippo per comprarghe del caffè e del zucchero.

TRUFF. Missier Ludro, se cognossemo. Se vorè tutto per vu, anca mi saverò parlar.

LUD. Animo; tiolè sti vinti soldi, e andè a bon viazo.

TRUFF. No me volì dar altro?

LUD. Tolèli o lassèli, no ghe xe altro.

TRUFF. qua, sior ladro.

LUD. Cossa?

TRUFF. Compatime; ho volesto dir sior Ludro. (parte)

LUD. Che furbazzi che xe costori! no i se contenta mai! I vorave vadagnar quanto mi; bisogna aver l'abilità che gh'ho mi. (entra nella locanda)

 

 

 





p. -
5 Una lira e mezza di moneta corrente.



Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License