Carlo Goldoni
Le baruffe chiozzotte

ATTO PRIMO

Scena Seconda. Toffolo, e le suddette, poi Canocchia

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

Scena Seconda. Toffolo, e le suddette, poi Canocchia

 

LUC. Oe, Bondí, Tòffolo.

TOF. Bondí, Lucietta.

ORS. Sior màmara, còssa sèmio nu altre?

TOF. Se averé pazenzia, ve saluderò anca vu altre.

CHE. (da sé) (Anca Tòffolo me piaseràve).

PAS. Còss'è, putto? No laoré ancùo?

TOF. Ho laorà fin adesso. So stà col battelo sotto marina a cargar de' fenocchj: i ho portài a Bróndolo al corder de Ferara, e ho chiappà la zornada.

LUC. Ne paghéu gnente?

TOF. Sì ben; comandé.

CHE. (a Orsetta) (Uh! senti, che sfazzada?)

TOF. Aspetté. (chiama) Oe, zucche barucche.

CAN. (con una tavola, con sopra vari pezzi di zucca gialla cotta) Comandé, paron.

TOF Lassé veder.

CAN. Adesso: varé, la vegnua fora de forno.

TOF. Voléu, Lucietta? (le offerisce un pezzo di zucca)

LUC. Si bèn, qua.

TOF. E vu, donna Pasqua, voléu?

PAS. De diana! la me piase tanto la zucca barucca! Démene un pezzo.

TOF. Tolé. No la magné, Lucietta?

LUC. La scotta. Aspetto, che la se giazze.

CHE. Oe, bara Canocchia.

CAN. So qua.

CHE. Démene anca a un bezze.

TOF. So qua ; ve la pagherò .

CHE. Sior no, no vòggio.

TOF. Mo per còssa?

CHE Perché no me degno.

TOF. S'ha degnà Lucietta.

CHE. Sì, sì, Lucietta degnévole, la se degna de tutto.

LUC. Coss'è, sióra? Ve ne avéu per mal, perché so stada la prima ?

CHE. co , siora, no me n'impazzo. E no tógo gnènte da nissùn.

LUC. E cossa tóghio?

CHE. Siora sì, avé tolto anca i trìgoli dal putto donzelo de bare Losco.

LUC. ? Busiàra!

PAS. A monte.

LIB. A monte, a monte.

CAN. Ghnissun che vòggia altro?

TOF. Andé a bon viazo.

CAN. (gridando parte) Zucca barucca, barucca calda.

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License