Carlo Goldoni
Le baruffe chiozzotte

ATTO PRIMO

Scena Settima. Fortunato, Titta-Nane, Vicenzo, che scendono dalla tartana, con uomini carichi di canestri

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

Scena Settima. Fortunato, Titta-Nane, Vicenzo, che scendono dalla tartana, con uomini carichi di canestri

 

TIT. Còssa diavolo stà quel sussuro?

VIC. Gnente, fradelo, no savéu? donna Pasqua Fersóra la una donna che sempre cria.

TIT. Con chi criàvela?

VIC. Con so marìo.

TIT. Lucietta ghe giérela?

VIC. Me par de sì, che la ghe fusse anca ela.

TIT. Sia maledìo. Giera sotto próva a stivare el pesse, no ho gnanca podésto vegnire in terra.

VIC. Oh che caro Titta-Nane! Avéu paura de no vèderla la vostra novizza?

TIT. Se savessi! Muòro de vòggia.

FOR. (parla presto, e chiama paron Vicenzo) Paró Izènzo.

VIC. Còss'è, paron Fortunato?

FOR. Questo otto pesse. Quato cai foggi, do cai baboni, sie, sie, sie bòseghe, e un cao bàccole.

VIC. Còssa?

FOR. E un cao bàccole.

VIC. No v'intendo miga.

FOR. No intendé? Quattro cai de sfoggi, do cai de barboni, sie bòseghe, e un cao de baràccole.

VTC. (da sé) (El parla in t'una certa maniera...)

FOR. Mandé a casa e pèsse, vegniò po a i bèzzi.

VIC. Missier sì, co volé i vostri bezzi, vegnì che i sarà parecchiài.

FOR. Na pesa abacco.

VIC. Come?

FOR. Tabacco, tabacco.

VIC. Ho capìo. Volentiera. (gli tabacco)

FOR. Ho perso a scàttoa in mare, e in tartana ghpuochi e tabacco. A Senegàggia e n'ho comprao un puoco; ma no e nostro da Chióza. Tabacco tabacco de Senegàggia, e tabacco e pare balini chioppo.

VIC. Compatime, paron Fortunato, mi no v'intendo una maledètta.

FOR. Oh bela, bela, bela! no intendé? Bela! no parlo mia foèto, parlo chiozotto, parlo.

VIC. Ho capio. A revèderse, paron Fortunato.

FOR. Sioìa, paó Izènzo.

VIC. Schiavo, Titta-Nane.

TIT Paron, ve saludo.

VIC. Putti, andèmo. Porté quel pèsse con mi. (da sé) (Mo caro quel paron Fortunato! El parla che el consola.) (parte con gli uomini)

 


Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License