Disticha VI-X

VI.

Quae nocitura tenes, quamvis sint cara, relinque:
Utilitas opibus praeponi tempore debet.

VII.

Constans et lenis, ut res expostulat, esto:
Temporibus mores sapiens sine crimine mutat.

VIII.

Nil temere uxori de servis crede querenti;
Saepe enim mulier, quem coniux diligit, odit.

IX.

Cumque mones aliquem, nec se velit ille moneri,
Si tibi sit carus, noli desistere coeptis.

X.

Contra verbosos noli contendere verbis:
Sermo datur cunctis, animi sapientia paucis.