Disticha XI-XV

XI.

Dilige sic alios, ut sis tibi carus amicus;
Sic bonus esto bonis, ne te mala damna sequantur.

XII.

Rumores fuge, ne incipias novus auctor haberi,
Nam nulli tacuisse nocet, nocet esse locutum.

XIII.

Rem tibi promissam certam promittere noli;
Rara fides ideo est, quia multi multa loquuntur.

XIV.

Cum te aliquis laudat, iudex tuus esse memento;
Plus aliis de te, quam tu tibi, credere noli.

XV.

Officium alterius multis narrare memento,
Atque aliis cum tu bene feceris ipse, sileto.