Disticha XXVI-XXX

XXVI.

Qui simulat verbis nec corde est fidus amicus,
Tu quoque fac simules: sic ars deluditur arte

XXVII.

Noli homines blando nimium sermone probare;
Fistula dulce canit, volucrem dum decipit auceps.

XXVIII.

Cum tibi sint nati nec opes, tunc artibus illos
Instrue, quo possint inopem defendere vitam.

XXIX.

Quod vile est, carum, quod carum, vile putato;
Sic tibi nec cupidus nec avarus nosceris ulli.

XXX.

Quae culpare soles, ea tu ne feceris ipse:,
Turpe est doctori, cum culpa redarguit ipsum.