Disticha VI-X

VI.

Quod nimium est, fugito, parvo gaudere memento;
Tuta mage puppis est, modico quae flumine fertur.

VII.

Quod pudeat, socios prudens celare memento;
Ne plures culpent id, quod tibi displicet uni.

VIII.

Nolo putes pravos homines peccata lucrari;
Temporibus peccata latent, sed tempore parent,

IX.

Corporis exigui vires contemnere noli;
Consilo pollet, cui vim natura negavit.

X.

Cui scieris non esse parem te, tempore cede;
Victorem a victo superari saepe videmus.