Liber III

Disticha I-IV

I.

Instrue praeceptis animum, nec discere cesses;
Nam sine doctrina vita est quasi mortis imago.

II.

Cum recte vivas, ne cures verba malorum;
Arbitrii non est nostri, quid quisque loquatur.

III.

Productus testis, salvo tamen ante pudore,
Quantumcumque potes, celato crimen amici.

IV

Sermones blandos blaesosque cavere memento;
Simplicitas veri fama est, fraus ficta loquendi.