Disticha XVII-XX

XVII.

Quod merito pateris, patienter ferre memento,
Cumque reus tibi sis, ipsum te iudice damna.

XVIII.

Multa legas facito, perlectis neglege multa;
Nam miranda canunt, sed non credenda poetae.

XIX.

Inter convivas fac sis sermone modestus,
Ne dicare loquax, cum vis urbanus haberi.

XX.

Coniugis iratae noli tu verba timere;
Nam lacrimis struit insidias, cum femina plorat.