Table of Contents | Words: Alphabetical - Frequency - Inverse - Length - Statistics | Help | IntraText Library
Saint Fulbert de Chartres
De luscinia

IntraText CT - Text

  • Textus

Click here to hide the links to concordance

Textus

Cum telluris, vere novo, producuntur germina,
nemorosa circumcirca frondescunt et brachia;
Fragrat odor cum suavis florida per gramina
hilarescit Philomela, dulcis sonus conscia,
et extendens modulando gutturis spiramina,
reddit veris et aestivi temporis praeconia.
... Vocis eius pulcritudo clarior quam cithera,
vincitur omnis cantando volucrum catervula,
implet sylvas atque cuncta modulis arbustula
gloriosa valde facta veris prae laetitia.
...Cedit auceps ad frondosa resonans umbracula.
Cedit cignus et suavis ipsius melodia;
quamvis enim videaris corpore premodica,
tamen cuncti capiuntur hac tua melodia.
Nemo dedit voci tuae haec dulcia carmina,
nisi solus Rex caelestis qui gubernat omnia.

 





Table of Contents | Words: Alphabetical - Frequency - Inverse - Length - Statistics | Help | IntraText Library

Best viewed with any browser at 800x600 or 768x1024 on Tablet PC
IntraText® (V89) - Some rights reserved by Èulogos SpA - 1996-2007. Content in this page is licensed under a Creative Commons License