37 CORP CHRISDA

Questions 267 - 281 The Holy Eucharist is the true body and blood of Jesus Christ, together with his soul and divinity, under the appearance of bread and wine. The Holy Mass is the sacrifice of the body and blood of Jesus Christ, really present on the altar under the appearance of bread and wine and offered to God for the living and dead.

267. Ciod i Sacramaid Corp Chriosda? Is i Sacramaid Corp Chriosda fior Chorp agus Fhuil Iosa Criosda maille ri ‘Anam agus a Dhiadhachd fo riochd arain agus fiona.

268. Ciamar a tha n t-aran agus am fion air an tionndadh gu Corp agus Fuil Chriosda? Tha an t-aran agus am Fion air an tionndadh gu Corp agus Fuil Chriosda le cumhachd Dhe do nach eil ni neo-chomasach no doirbh.

269. Cuin a th' n t-aran agus am fion air an tionndadh gu Corp agus Fuil Chriosda? Tha an t-aran agus am fion air an tionndadh gu Corp agus Fuil Chriosda nuair a labhras an sagart san Aifrinn naoimh briathran a Choisrigidh a dh' ordaich Iosa Criosda.

270. Carson a thug Criosda e fhein dhuinn anns an t-Sacramaid Naoimh so? Thug Criosda e fhein dhuinn anns an t-Sacramaid naoimh so gu bhi na bheatha ‘s na bhiadh do'r n-anamannan: "An neach a dh' itheas mise, bithidh e beo tromham-sa; an neach a dh' itheas an t-aran so bithidh e beo gu
siorruidh." Eoin VI. 58, 59.

271. A bheil sinn a faotainn Chriosda gu slan agus gu h-iomlan fon darna cuid a mhain? Tha sinn a faotainn Chriosda gu slan agus gu h-iomlan fon darna cuid a mhain.

272. Ciod a dh fheumas sinn gus an t-Sacramaid Naomh a ghabhail gu h-iomchaidh? Gus an t-Sacramaid Naomh a ghabhail gu h-iomchaidh feumaidh sinn a bhi ann an staid nan gras agus an trasg a tha an eaglais a cur mar coinneamh a chumail.

273. Ciod a tha e ‘ciallachadh a bhi ann an staid nan gras? Tha a bhi ann an staid nan gras a ciallachadh a bhi saor on pheacadh bhais ‘s a bhi taitneach an lathair Dhe.

274. An e peacadh mor a th' ann Comain a ghabhail an staid a pheacaidh bhais? Is e peacadh mor a th' ann Comain a ghabhail an staid a pheacaidh bhais: "Oir co sam bith a dh' itheas ‘s a dh' olas gu mi-iomchuidh, tha e ‘g ithe ‘sa ‘g ol ditidh dha fhein." I Cor. XT. 29.

275. An e Sacramaid a mhain a th' ann an Corp Chriosda? Chan e Sacramaid a mhain a th ann an Corp Chriosda; is iobairt cuideachd e.

276. Ciod e iobairt? Is e iobairt tairgse suas tobhartais le sagart do Dhia na onrachd mar theisteanas air e bhi ‘na Ard-Thighearna air a h-uile ni.

277. Ciod e iobairt an Lagh Uir? Is e iobairt an Lagh uir an Aifrionn naomh.

278. Ciod i an Aifrionn naomh? Is i an Aifrionn naomh iobairt Chuirp agus Fala Iosa Criosda a tha da rireadh an lathair air an altair fo riochd arain agus fiona, agus a thathas a tairgsinn do Dhia air son nam beo agus air son nam marbh.

279. A bheil iobairt na h-Aifrinn naoimh co-ionnan ri iobairt na Croise? Tha iobairt na h-Aifrinn naoimh co-ionnan ri iobairt na Croise, a thaobhs gum bheil Criosda a thairg e fhein mar thobhartas fuilteach air a chrois do Athair neamhaidh, a leantainn air e fhein a thairgsinn ann an seol neo-fhuilteach air an altair, troimh fhrithealadh a chuid shagart.

280. Co iad criochan iobairt na h-Aifrinn? Tha ceithir criochan aig iobairt na h-Aifrinn ‘s a cheud aite, gu ard urram agus gloir a thoirt do Dhia ; ‘s an darna h-aite, gu taing a thoirt do Dhia air son a thiodhlacan uile, ‘s an treas aite, gu mathanas fhaotainn air son ar peacannan; agus anns a cheathramh aite, gu gach gras agus beannachd eile fhaighinn troimh Iosa Criosda.

281. A bheil an Aifrionn cuideachd ‘na cuimhneachan air Pais agus Bas ar Tighearna? Tha an Aifrionn cuideachd ‘na cuimhneachan air Pais agus Bas ar Tighearna a chionn thuirt Criosda aig a Shuipear dheireannaich: Deanaibh so mar chuimhneachan ormsa. Luc. XXII. 19.