38. FAOISID

Questions 282 - 301 Penance (Confession or Reconciliation) is a sacrament whereby the sins of whatever kind which we have committed after Baptism are forgiven.

282. Ciod i Sacramaid na Faoisid? Is i Faoisid Sacramaid leis am bheilear a mathadh nam peacannan bais agus sola a rinn sinn an deidh a Bhaistidh.

283. A bheil Sacramaid na Faoisid a meudachadh gras Dhe san anam? Tha Sacramaid na Faoisid a meudachadh gras Dhe san anam a bharrachd air am peacadh a mhathadh; bu choir dhuinn, air an adbhar sin, a dhol tric gu Eisdeachd.

284. Cuin a shuidhich an Tighearna Sacramaid na Faoisid? Shuidhich an Tighearna Sacramaid na Faoisid nuair a sheid e air na h-Ostail ‘s a thug e cumhachd dhaibh peacannan a mhathadh, ag radh, ‘‘ Ge b iad dham math sibhse am peacannan tha iad mathte dhaibh . Eoin XX. 23.

285. Ciamar a tha an sagart a mathadh pheacannan? Tha an sagart a mathadh pheacannan le cumhachd Dhe nuair a labhras e briathran an Fhuasglaidh.

286. Co iad briathran an Fhuasglaidh? Is iad briathran an Fhuasglaidh: "Tha mi gad fhuasgladh bhod pheacannan an ainm an Athar ‘s a Mhic ‘s an Spioraid Naoimh."

287. A bheil cumhnantan sam bith riatanach bho thaobh a pheacaich air son mathanas fhaotainn? Tha tri cumhnantan riatanach bho thaobh a pheacaich air son mathanas fhaotainn—Aithreachas, Aideachadh agus Dioladh.

288. Ciod e Aithreachas? Is e Aithreachas bron cridhe air son ar peacannan, maille ri run laidir leasachaidh a chionn gun do chuir sinn corraich leotha air Dia uile-mhathasach.

289. Ciod e run laidir leasachaidh? Is e run laidir leasachaidh cur romhainn gun seachainn sinn, le gras Dhe, chan e mhain am peacadh, ach cuideachd ceann-aobhair a pheacaidh.

290. Ciamar is urrainn dhuinn aithreachas cridhe air son ar peacannan fhaotainn? Is urrainn dhuinn aithreachas cridhe air son ar peacannan fhaotainn le bhi ‘g urnaigh gu durachdach air a shon agus a bhi cur feum de leithid de smaointean sa stiuras sinn uige.

291. Ciod i an smaoin a thaobh Dhe a stiuras sinn gu aithreachas air son ar peacannan? Stiuraidh an smaoin so a thaobh Dhe gu aithreachas sinn air son ar peacannan: gun do chuir sinn leotha corraich air Dia a tha uile mhath ann fhein agus uile-mhathasach dhuinne.

292. Ciod i an smaoin a thaobh ar Slanaighear a stiuras sinn gu aithreachas air son ar peacannan? Stiuraidh an smaoin so a thaobh ar Slanaighear gu aithreachas sinn air son ar peacannan: gun do bhasaich ar Slanaighear air son ar peacannan, ‘s gu bheil iadsan a tha peacachadh gu trom a ceusadh Mhic Dhe dhaibh fhein a rithist, ‘sa deanamh ball-fanaid dheth. Eabh. V1. 6.

293. An dean aithreachas air son ar peacannan, a thaobh ‘s gun do chaill sinn flathanas ‘s gun do thoill sinn ifrinn, an gnothach nuair a theid sinn gu eisdeachd? Ni aithreachas air son ar peacannan, a thaobh ‘s gun do chaill sinn flathanas ‘s gun do thoill sinn ifrinn, an gnothach nuair a theid sinn gu eisdeachd.

294. Ciod e aithreachas coimhlion? Is e aithreachas coimhlion aithreachas air son a pheacaidh a tha ‘g eirigh bho ghaol Dhe a mhain.

295. Ciod e an luach araid a th aig aithreachas coimhlion? Tha an luach araid so aig aithreachas coimhlion: gu bheil ar peacannan mathte gun dai1, eadhon mun aidich sinn iad; ach a dh aindeoin sin, ma ‘s peacannan bais iad, tha aithne chruaidh oirnn an aideachadh a rithist.

296. Ciod e Eisdeachd? Is e Eisdeachd, sinn fhein a dhiteadh air son ar peacannan do shagart air a dhearbhadh leis an Easbaig.

297. Ciod e ma cheileas duine peacadh bais le ‘dheoin aig eisdeachd? Ma ‘cheileas duine peacadh bais le ‘dheoin aig eisdeachd tha e cionntach an truailleadh mor le breug innse don Spiorad Naomh le droch eisdeachd a dheanamh.

298. Co lion rud a dh' fheumas sinn a dheanamh gu sinn fhein ullachadh air son eisdeachd? Gu sinn fhein ullachadh air son eisdeachd feumaidh sinn ceithir rudan a dheanamh sa cheud aite, feumaidh sinn guidh gu durachdach air son gras gu deagh eisdeachd a dheanamh; san darna h-aite feumaidh sinn ar cogais a rannsachadh gu mion, san treas aite, feumaidh sinn uine agus curam a ghabhail gu deagh ghniomh aithreachais a dheanamh; anns a cheathramh aite, feumaidh sinn cur romhainn le cuideachadh Dhe cul a chur rir peacannan , agus toiseachadh air caitheamh beatha ur ‘s an am ri tighinn

299. Ciod e Dioladh? Is e Dioladh sinn am breitheanais - aithrich a bheir an sagart dhuinn a dheanamh.

300. An dean am breitheanas-aithrich a bheir an sagart dhuinn daonnan lan-dhioladh air son ar peacannan? Cha dean am breitheanas aithrich a bheir an sagart dhuinn daonnan lan-dhioladh air son ar peacannan. Bu choir dhuinn mar sin a mheudachadh le deagh obraichean is peanasan eile agus feuchainn ri Laghadh-Eaglais a chosnadh.

301. Ciod e Laghadh-Eaglais? Is e Laghadh Eaglais fuasgladh a tha an Eaglais a toirt seachad bhon phein aimsireil sin a tha am peacadh gu tric a toilltinn an deidh don chionta a bhi air a mhathadh.