8. RIAGHAILT BHEATHA A CHRIOSDAIDH

46. LEANTAINN TEAGASG CHRIOSDA

Questions 335 - 343 We are to follow the teaching of Jesus by hating sin and loving God and our neighbour and also loving our enemies.

335. Ciod e an riaghailt-bheatha a dh fheumas sinn a leantainn mas maith leinn a bhi sabhailte? Mas maith leinn a bhith sabhailte feumaidh sinn an riaghailt-bheatha a chaidh a theagasg le Iosa Chriosda a leantainn

336. Ciod a dh' fheumas sinn a dheanamh a reir an riaghailt-bheatha a chaidh a theagasg le Iosa Criosda? A reir na riaghailt-bheatha a chaidh a theagasg le Iosa Criosda feumaidh sinn daonnan fuath a thoirt don pheacadh agus gaol a thoirt do Dhia.

337. Ciamar a dh' fheumas sinn fuath a thoirt don pheacadh? Feumaidh sinn fuath a thoirt don pheacadh os cionn gach uile air dhoigh ‘s gun cuir sinn romhainn nach dean sinn peacadh gu brath ler deoin troimh ghaol no troimh eagal ni sam bith.

338. Ciamar a dh' fheumas sinn gaol a thoirt do Dhia? Feumaidh siun gaol a thoirt do Dhia os cionn gach ni agus ler n-uile chridhe.

339. Ciamar a dh' fheumas sinn ionnsachadh gaol a thoirt do Dhia? Feumaidh sinn ionnsachadh gaol a thoirt do Dhia le bhi a guidhe air Dia ar teagasg gu gaol a thoirt Dha: "O mo Dhia, ionnsaich dhomh gaol a thoirt dhuit."

340. Ciod a bheir gaol Dhe oirnn a dheanamh? Bheir gaol Dhe oirnn a bhi gu tric a smaointinn cho math ‘s a tha Dia; a bhi gu tric a bruidhiun ris nar cridheachan; ‘s a bhi daonnan a stri ri thoileachadh.

341. A bheil Iosa Criosda ag iarraldh oirnn cuideachd gaol a thoirt dha cheile? Tha Iosa Criosda ag iarraidh oirnn cuideachd gaol a thoirt dha cheile air a sgath-san, ‘s e sin do gach neach maraon.

342. Ciamar a dh' fheumas sinn gaol a thoirt dha cheile? Feumaidh sinn gaol a thoirt dha cheile le deagh dhurachd a bhi againn dha cheile, ‘s a bhi ag urnaigh dha cheile; ‘s gun cheadachadh dhuinn fhin aig am sam bith smaoin, facal, no gniomh a ni coire air duine sam bith.

343. A bheil e mar fhiachaibh oirnn cuideachd gaol a thoirt dhar naimhdean? Tha e mar fhiachaibh oirnn cuideachd gaol a thoirt dhar naimhdean; chan ann a mhain le a bhi a mathadh dhaibh bhor cridheachan ach cuideachd le a bhi an deagh ruin dhaibh, ‘s a bhi ag urnaigh air an son.