12. AN NAOIDHEAMH EARRANN DEN CHREUD

Questions 83 - 109 I believe in the Holy Catholic Church, the Communion of Saints

83. Ciod i an naoidheamh earrann den Chreud? Is i an naoidheamh earrann den Chreud, "An Eaglais naomh Chaitliceach; co-chomann nan naomh."

84. Ciod i an Eaglais Chaitliceach? Is i an Eaglais Chaitliceach co-thional nan creideach gu leir fon aon cheannard.

85. Co e ceannard na h-Eaglaise Caitlicich? Is e ceannard na h-Eaglaise Caitlicich Iosa Criosda ar Tighearna.

86. A bheil ceannard follaiseach aig an Eaglais Chaitlicich air talamh? Tha ceannard follaiseach aig an Eaglais Chaitlicich air talamh - Easbaig na Roimhe, a ‘s e fear ionaid Chriosda.

87. Carson a tha Easbaig na Roimhe ‘na cheannard air an Eaglais? Tha Easbaig na Roimhe ‘na cheannard air an Eaglais a chionns gur e fear-ionaid Naoimh Peadair a shuidhich Criosda gu ‘bhi na cheannard air an Eaglais.

88. Ciamar a tha fios agad gun do shuidhich Criosda Naomh Peadair gu ‘bhi na ‘cheannard air an Eaglais? Tha fios again gun do shuidhich Criosda Naomh Peadair gu ‘bhi na cheannard air an Eaglais, a chionns gun tuirt Criosda ris: ‘S tusa Peadair, agus air a charraig so togaidh mi m Eaglais, ‘s cha toir geatachan ifrinn buaidh oirre. Us bheir mi dhut iuchraichean rioghachd fhlathanais." Matu XVI. 18, 19.

89. Ciod a theirear ri Easbaig na Roimhe? Theirear ri Easbaig na Roimhe am Pap, ‘s e ‘s ciall don fhacal sin Athair.

90. A bheil an Pap ‘na Athair spioradail aig na creidich uile? Tha am Pap ‘na Athair spioradail aig na creidich uile.

91. A bheil am Pap ‘na Bhuachaille ‘s na Fhear-teagaisg aig na creidich uile? Tha am Pap ‘na Bhuachaille ‘s na Fhear-teagaisg aig na creidich uile a chionns gun do rinn Criosda Naomh Peadair na Bhuachaille air an treud uile nuair a thuirt e: "Beathaich m uain, beathaich mo chaoraich." Eoin XXI. 15, 16, 17. Ghuidh e cuideachd nach failnicheadh a "chreideamh" gu brath, agus dh aithn e dha a bhraithrean a "neartachadh." Luc. XXII. 32.

92. A bheil am Pap neo-mhearachdach? Tha am Pap neo-mhearachdach.

93. Ciod a tha thu ciallachadh nuair a their thu gu bheil am Pap neo-mhearachdach? Nuair a their mi gu bheil am Pap neo-mhearachdach, tha mi ‘ciallachadh nach urrainn am Pap mearachd a dheanamh nuair a tha e, mar Bhuachaille ‘s mar Fhear-teagaisg luchd leanmhainn Chriosda uile, sonrachadh teagasg a thaobh Creideamh no beusan a dh'fheumas an Eaglais gu lair a chumail

94. A bheil comharraidhean sam bith air Eaglais Chriosda leis an aithnichear i? Tha ceithear chomharraidhean air Eaglais Chriosda leis an aithnichear i: tha i na h-Aon Eaglais; tha i na Naomh Eaglais; tha i Caitlicheach; tha i Ostalach.

95. Ciamar a tha i ‘na h-Aon Eaglais? Tha i ‘na h-Aon Eaglais a chionns gu bheil a luchd-leanmhainn uile ag aontachadh ann an aon chreideamh, ‘s gu bheil an aon iobairt ‘s na h-aon Sacramaidean aca uile, s gu bheil iad uile aonaichte fon aon cheannard.

96. Ciamar a tha i na Naomh Eaglais? Tha i na Naomh Eaglais a chionns gu bheil a teagasg naomh, gu bheil i a tairgsinn do dhaoine uile meadhonan naomhachd ‘s gu bheil i air a comharrachadh a mach air son mor-naomhachd a cho-liuthad mhiltean do cuid cloinne

97. Ciod a tha am facal Caitliceach a ciallachadh? Tha am facal Caitliceach a ciallachadh uile-choitcheann.

98. Ciamar a tha an Eaglais Caitliceach no uile-choitchionn? Tha an Eaglais Caitliceach no uile-choitchionn a chionns gu bheil i maireann anns gach linn, ‘s gu bheil i a teagasg a h-uile sluagh, ‘s gur i aon Airc sabhalaidh dhaoine uile.

99. Ciamar a tha an Eaglais Ostalach? Tha an Eaglais Ostalach a chionns gu bheil i a gleidheadh teagasg is beul-aithris nan Ostal, agus a chionn, troimh leantainn neo-bhriste a Buachaillean, gu bheil i a tarraing a h-Ordugh ‘s a Barantas bhuapa-san.

100. An urrainn dhan Eaglais mearachd a dheanamh na teagasg? Chan urrainn dhan Eaglais mearachd a dheanamh na teagasg a thaobh creideamh no beusan a chionns gur i ar n-iul neo-mhearachdach anns gach aon dhiubh sin.

101. Ciamar a tha fios agad nach urrainn dhan Eaglais mearachd a dheanamh na teagasg? Tha fios agam nach urrainn dhan Eaglais mearachd a dheanamh na teagasg a chions gun do gheall Criosda nach toireadh geatachan ifrinn buaidh oirre a chaoidh; gun teagaisg an Spiorad Naomh a h-uile ni dhi; ‘s gum bi e fhein maille rithe a h-uile latha eadhon gu deireadh an t-saoghail. Matu XVI. 18; Eoin XIV. 16-26; Matu XXVIII. 20.

102. Ciod a tha thu ciallachadh le co-chomann nan Naomh? Le co-chomann nan Naomh tha mi ciallachadh gu bheil luchd leanmhainn na h-Eaglaise uile air neamh, air talamh, ‘s am Purgadair an co-chomann ri cheile mar aon chorp ann an Iosa Criosda.

103. Ciamar a tha na creidich air talamh an co-chomann ri cheile? Tha na creidich air talamh an co-chomann ri cheile le bhi ‘g aideachadh na h-aon aidmheil, a geilltinn don aon ughdarras ‘s a cuideachadh a cheile len urnaighean ‘s le deagh obraichean.

104. Ciamar a tha sinn an co-ohomann ris na Naoimh air neamh? Tha sinn an co-chomunn ris na naoimh air neamh le bhi a toirt urraim dhaibh mar luchd-leanmhainn na h-Eaglaise ann an gloir, agus cuideachd le ar n-urnaighean riutha, ‘s an urnaigheansan air ar son-ne.

105. Ciamar a tha sinn an co-chomann ris na h-anamannan am Purgadair? Tha sinn an co-chomann ris na h-anamannan am Purgadair le bhi ‘g an cuideacheadh ler n-urnaighean ‘s ler deagh obraichean "Is smaoin naomh agus shlainteil urnaigh a dheanamh air son nam marbh, los gum fuasglar iad bhom peacannan. " 2 Macab, XII. 46.

106. Ciod e Purgadair? Is e Purgadair aite anns am bheil anamannan a fulang re uine an deidh am bais airson an cuid pheacannan.

107. Co iad na h-anamannan a theid do Phurgadair? Theid na h-anamannan ud do Phurgadair a dh fhagas a bheatha so ann am peacadh sola; no nach do phaigh gu h-iomlan fiachan am phein aimsireil a tha lorg nam peacannan ud dhan deach an cionnta a mhathadh.

108. Ciod e pian aimsireil? Is e pian aimsireil pian air an tig crioch, ‘s an t-saoghal so no ‘s an ath-shaoghal.

109. Ciamar a tha thu a dearbhadh gu bheil Purgadair ann? Tha mi a dearbhadh gu bheil Purgadair ann bho theagasg neo-chaochlaideach na h-Eaglaise; agus bho theagasg an Sgriobtair Naomh a tha ag radh, gun toir Dia do gach neach a reir obraichean; nach teid ni truaillidh sam bith a stigh do fhlathanas; agus gum bi cuid de dh anamannan sabhailte mar gum b ann le teine." Matu XVI. 27; Taisb. XXI. 27; 1 Cor. 1111. 15.