21 A CHEUD FHAINTE

Questions 175 - 187 I am the Lord thy God, who brough thee out of the land of Egypt.....thou shalt not have strange gods before me.

175. Ciod i a cheud fhainte? Is i a cheud fhainte, "Is mise an Tighearna do Dhia a thug a mach a talamh na h-Eipheit thu, ‘s a taigh na daorsa. Na bitheadh diathan eile agad nam fhianais. Na dean dhut fhein dealbh, no coltas aoin ni tha shuas air neamh no bhos air talamh no 's na h-uisgeachan fon talamh. Na toir aoradh ‘s na dean seirbheis dhaibh."

176. Ciod a tha air iarraidh oirnn leis a cheud fhainte? Leis a cheud fhainte tha e air iarraidh oirnn aoradh a thoirt don aon Dia fior agus beo, le Creideamh, Dochas, Carrantachd ‘s Crabhadh.

177. Co iad na peacannan an aghaidh Creidimh? Is iad na peacannan an aghaidh Creidimh a h-uile aidmheil bhreugach, teagamh toileil, ana-creideamh, earrann sam bith den Chreideamh aicheadh, agus cuideachd aineolas cionntach air teagasg na h-Eaglaise.

178. Ciamar a tha sinn gar cur fhein ann an cunnart ar Creideamh a chall? Tha sinn gar cur fhein ann an cunnart ar Creideamh a chall le dearmad a dheanamh air ar dleasnas spioradail, ‘sa leughadh droch leabhraichean.

179. Co iad na peacannan an aghaidh Dochais? Is iad na peacannan an aghaidh Dochais, eudochas ‘s danadas air trocair Dhe.

180. Co iad na peacannan araid an aghaidh Crabhaidh? Is iad na peacannan araid an aghaidh Crabhaidh adhradh a thoirt do dhiathan breige no do dh' iodhalan, agus a bhi a toirt do chreutair sam bith an urram a bhuineas do Dhia na onrachd.

181. A bheil a cheud fhainte a bacail a bhi ‘deanamh iomhaighean? Chan eiI a cheud fhainte a bacail a bhith deanamh iomhaighean, ach a bhi deanamh iodhalan; ‘s e sin, tha i ‘bacail dhuinn a bhi deanamh iomhaighean airson adhradh is urram a thoirt dhaibh mar dhiathan.

182. A bheil a cheud fhainte a bacail a h-uile comann ris an deomhan is cleachdaidhean saobh-chrabhach? Tha a cheud fhainte a bacail a h-uile comann ris an deomhan is cleachdaidhean saobh-chrabhach mar a tha a bhith ‘cur comhairle ri marbh-dhraoithean ‘s luchd-innse-fortain, agus a cur earbsa ann am buidseachan, manaidhean, bruadaran, ‘s faoineas den t-seorsa sin.

183. A bheil a h-uile peacadh de thruailleadh ‘s de mhalairt nithean naomha cuideachd air a bhacail leis a cheud fhainte? Tha a h-uile peacadh de thruailleadh ‘s de mhalairt nithean naomha air a bhacail leis a cheud fhainte.

184. A bheil e air a bhacail urram diadhaidh no adhradh a thoirt do na h-ainglean ‘s do na naoimh? Tha e air a bhacail urram diadhaidh no adhradh a thoirt do na h-ainglean ‘s do na naoimh, oir buinidh so do Dhia ‘na onrachd.

185. Ciod e an seorsa urraim no adhraidh is coir dhuinn a thoirt do na h-ainglean ‘s do an naoimh? Is coir dhuinn urram no adhradh nas isle a thoirt do na h-ainglean ‘s do na naoimh oir tha so dligheach dhaibh mar sheirbheisich is chairdean sonraichte Dhe.

186. Ciod e an t-urram is coir dhuinn a thoirt do thaisealain, do cheusaidhean agus do dhealbhan naomh? Is coir dhuinn urram iomchaidh a thoirt do thaisealain do cheusaidhean agus do dhealbhan naomh, a chionns gum buin iad do Chriosda ‘s da naoimh agus is cuimhneachain iad orra.

187. Am bidh sinn ag urnaigh ri taisealain no ri iomhaighean? Cha bhi sinn ag urnaigh ri taisealain no ri iomhaighean, a chionns nach urrainn dhaibh ar faicinn, no ar cluintinn no ar cuideachadh.