18. URNAIGH AN TIGHEARNA

Questions 144 - 157 Our Father who art in heaven, hallowed be thy name.......

144. Co i an urnaigh as fhearr a th ann? Is i a Phaidir no urnaigh an Tighearna an urnaigh as fhearr a th ann.

145. Co rinn Urnaigh an Tighearna? Rinn Iosa Criosda e fhein Urnaigh an Tighearna.

146. Gabh Urnaigh an Tighearna. Ar n-Athar a tha air neamh gum bu naomh a bhitheas d ainm; gun tigeadh do rioghachd, gun deanar do thoil air talamh mar a thathas ‘ga deanamh air neamh ; thoir dhuinn an diugh ar n-aran laitheil ; math dhuinn ar fiachan mar a mhathas sinne do luchd ar fiach; na leig ann am buaireadh sinn; ach saor sinn bhon olc. Amen.

147. Ann an Urnaigh an Tighearna Co ris a theirear "Ar n-Athair"? Ann an Urnaigh an Tighearna theirear "Ar n-Athair" ri Dia.

148. Carson a theirear "Ar n-Athair" ri Dia? Theirear "Ar n-Athair" ri Dia a chionns gur e Athair nan uile chriosdaidhean a rinn e nan cloinn dha fhein leis a Bhaisteadh naomh.

149. An e Dia cuideachd Athair a chinnidh dhaonda gu leir? Is e Dia cuideachd Athair a chinnidh-dhaonda gu leir a chionns gun do chruthaich e iad uile, ‘s gu bheil gaol aig orra, ‘s gu bheil e gan dion gu h-uilidh.

150. Carson a their sinn "Ar n-Athair" ‘s chan e "M Athair"? Their sinn "Ar n-Athair" ‘s chan e "M Athair" a chionn, mar bhraithrean uile, tha e mar fhiachaibh oirnn guidhe, chan ann air ar son fhein a mhain, ach cuideachd air son chaich uile.

151. Nuair a their sinn "Gum bu naomh a bhitheas d-ainm" co air son a tha sinn a guidhe? Nuair a their sinn " Gu m bu naom a bhitheas d-ainm" tha sinn a guidhe gum bitheadh Dia aithnichte, gradhaichte, ‘s air a sheirbhiseachadh le a chreutairean uile.

152. Nuair a their sinn "Gu n tigeadh do rioghaohd" co air son a tha sinn a guidhe? Nuair a their sinn " Gun tigeadh do rioghachd," tha sinn a guidhe gun tigeadh Dia ‘s gun riaghladh e ann an cridheachan dhaoine uile le ‘ghras san t-saoghal so, ‘s gun toireadh e sinn uile an deidh so gu a rioghachd air
neamh.

153. Nuair a their sinn "Gun deanar do thoil air talamh mar a thathas ‘ga deanamh air neamh," co air son a tha sinn a guidhe? Nuair a their sinn "Gun deanar do thoil air talamh mar a thathas ‘ga deanamh air neamh," tha sinn a guidhe gun toireadh Dia comas dhuinn, le ghras, gus a thoil a dheanamh anns gach ni mar a tha na naoimh a deanamh air neamh.

154. Nuair a their sinn, "Thoir dhuinn an diugh ar n-aran laitheil," co air son a tha sinn a guidhe? Nuair a their sinn, "Thoir dhuinn an diugh ar n-aran laitheil, ‘‘tha sinn a guidhe gun toireadh Dia dhuinn gach latha a h-uile ni a tha riatanach a thaobh anma agus colann.

155. Nuair a their sinn, "Math dhuinn ar fiachan mar a mhathas sinne do luchd-ar-fiach," co air son a tha sinn a guidhe? Nuair a their sinn ‘ Math dhuinn ar fiachan mar a mhathas sinne do luchd-ar-fiach" tha sinn a guidhe gum mathadh Dia dhuinn ar peacannan mar a mhathas sinn do chach na h-eucairean a ni iad oirnn.

156. Nuair a their sinn, "Na leig ann am buaireadh sinn," co air son a tha sinn a guidhe? Nuair a their sinn "Na leig ann am buaireadh sinn," tha sinn a guidhe gun toireadh Dia grasan dhuinn air chors nach geill sinn don bhuaireadh.

157. Nuair a their sinn, "Ach saor sinn bhon olc," Co air son a tha sinn a guidhe? Nuair a their sinn, "Ach saor sinn bhon olc," tha sinn a guidhe gun saoradh Dia sinn bhon h-uile olc a thaobh anma ‘s colann.