19. AM BEANNACHADH MOIRE

Questions 158 - 168 Praying to the angels and saints. The Hail Mary

158. An coir dhuinn iarraidh air na h-Ainglean ‘s air na Naoimh guidhe air ar son? Bu choir dhuinn iarraidh air na h-Ainglean ‘s air na Naoimh guidhe air ar son a chionns gur iad ar cairdean ‘s ar braithrean, agus a chionns gu bheil cumhachd mhor aig an urnaighean an lathair Dhe.

159. Ciamar a dhearbhas sinn gu bheil fios aig na h-Ainglean ‘s aig na Naoimh de tha tachairt air talamh? Dearbhaidh sinn gu bheil fios aig na h-Ainglean ‘s aig na Naoimh de tha tachairt air talamh bho bhriathran Chriosda: "Bi aoibhneas an lathair Ainglean Dhe air son aon pheacach a ni peanas." Luc XV. 10.

160. Co i an urnaigh araid a tha an Eaglais a cleachdadh an onair na h-Oigh Bheannaichte? Is i an urnaigh araid a tha an Eaglais a cleachdadh an onair na h-Oigh Bheannaichte am Beannachadh Moire.

161. Gabh am Beannachadh Moire. Fhilte dhuit, a Mhoire, tha thu lan de na grasan tha an Tighearna maille riut; is beannaichte thu am measg nam mna agus is beannaichte toradh do bhronn Iosa. A Naomh Mhoire, Mhathair Dhe, guidh air an sonne na peacaich a nis, agus aig uair ar bais. Amen.

162. Co rinn a cheud earrann den Bheannachadh Moire? Rinn an t-Aingeal Gabriel agus Ban-naomh Ealasaid, air an soilleireachadh leis an Spiorad Naomh, a cheud earrann den Bheannachadh Moire.

163. Co rinn an darna earrann den Bheannachadh Moire? Rinn Eaglais Dhe air a stiuradh leis an Spiorad Naomh an darna earrann den Bheannachadh Moire.

164. Carson a bu choir dhuinn am Beannachadh Moire a ghabhail gu tric? Bu choir dhuinn am Beannachadh Moire a ghabhail gu tric gus breith Iosa, Mac Dhe, a chur nar cuimhne; agus gus urram a thoirt do 'r Baintighearna Bheannaichte, Mathair Dhe.

165. A bheil aobhar sam bith eile againn air son am Beannachadh Moire a ghabhail gu tric? Tha aobhar eile againn air son am Beannachadh Moire a ghabhail gu tric - is e sin, iarraidh air ar Baintighearna Bheannaichte guidh air ar sonne na peacaich aig a h-uile am, ach gu h-araid aig uair ar bais.

166. Carson a tha an Eaglais Chaitliceach a sealltainn crabhadh mor don Oigh Bheannaichte? Tha an Eaglais Chaitliceach a sealltainn crabhadh mor don Oigh Bheannaichte a chionns gur i Mathair gun smal Dhe.

167. Ciamar a tha an Oigh Bheannaichte na Mathair Dhe? Tha an Oigh Bheannaichte na Mathair Dhe a chionns nach duine a mhain, ach gu firinneach Dia cuideachd, Iosa Criosda, a Mac, a rugadh bhuaipe mar dhuine.

168. A bheil an Oigh Bheannaichte na Mathair dhuinne cuideachd? Tha an Oigh Bheannaichte na Mathair dhuinne cuideachd, a chionn, mar braithrean do dh Iosa, is clann sinn do Mhoire.