24 AN CEATHRAMH FAINTE

Questions 196 - 204 Honour your father and your mother

196. Ciod i an ceathramh fainte? Is i an ceathramh fainte, ‘‘ Thoir onair dhad athair ‘s dhad mhathair.

197. Ciod a tha air iarraidh oirnn leis an ceathramh fainte? Leis an ceathramh fainte tha e air iarraidh oirnn gaol, modh, agus umhlachd a thoirt dhar parantan anns a h-uile ni nach eil na pheacadh.

198. An ann a mhain dhar parantan a tha e air iarraidh oirnn umhlachd a thoirt? Chan ann a mhain dhar parantan a tha e air iarraidh oirnn umhlachd a thoirt, ach cuideachd dhar n-easbaigean ‘s dhar sagairt, dhar riaghladairean saoghalta, ‘s dhar n-uachdarain laghail

199. A bheil e mar fhiachaibh oirnn cuideachadh a dheanamh ler parantan nan uireasbhuidhean? Tha e mar fhiachaibh oirnn cuideachadh a dheanamh ler parantan nan uireasbhuidhean araon spioradail agus saoghalta.

200. A bheil e mar fhiachaibh oirnn le ceartas cuideachadh gus ar sagairt a chumail suas? Tha e mar fhiachaibh oirnn le ceartas cuideachadh gus ar sagairt a chumail suas; oir tha Naomh Pol ag radh, " Dh' ordaich an Tighearna gun tigeadh luchd-teagaisg an t-soisgeil beo air an t-soisgeul." I Cor. IX.14.

201. Ciod e dleasnas nam parantan don cloinn? Is e dleasnas nam parantan don cloinn solaradh dhaibh, an ionnsachadh ‘s an ceartachadh, agus deagh fhoghlum caitliceach a thoirt dhaibh.

202. Ciod e dleasnas mhaighstirean, bhana-mhaighstirean agus uachdarain eile? Is e dleasnas mhaighstirean bhana-mhaighstirean is uachdarain eile deagh aire a thoirt don fheadhainn a tha fon curam, agus cothrom a thoirt dhaibh air an dleasnasan spioradail a chleachdadh.

203. Ciod a tha an ceathramh fainte a bacail? Tha an ceathramh fainte a bacail gach di-meas, diorras, eus-umhlachd dor parantan ‘s dor n-uachdarain laghail.

204. A bheil e na pheacadh dhuinn a bhi an ceangal ri Comann Diomhair sam bith? Tha e na pheacadh dhuinn a bhith an ceangal ri Comann Diomhair sam bith a tha ri cuile-bheairt an aghaidh na h-Eaglaise no na Staid, no a bhith an Comann sam bith a tha, do-bhrigh ‘s gum bheil e diomhair, air a dhiteadh leis an Eaglais; oir tha Naomh Pol ag radh; "Biodh a h-uile anam umhail do na cumhachdan is airde ; esan a chuireas an aghaidh na cumhachd tha e cur an aghaidh ordagh Dhe; agus iadsan a chuireas na h-aghaidh, tha iad a cosnadh ditidh dhaibh fhein." Rom. XIII. 1, 2.