LA FEILL MOIRE [76]

La feill Moire cubhr

Mathair Buachaille nan treud,

Bhuain mi beum dhe'n toradh ur,

Chruadhaich mi e caon ri grein,

Shuath mi e gu geur dhe 'n rusg

Le mo bhasa fein.

Mheil mi e air brath Di-aoine,

Dh' fhuin mi e air cra na caoire,

Bhruich mi e ri aine caorain,

S' phairtich mi e'n dail mo dhaoine.

Chaidh mi deiseil m' ardrach,

An ainm Mhoire Mhathar,

A gheall mo ghleidheadh,

A rinn mo ghleidheadh,

A ni mo ghleidheadh,

Ann an sith, ann an ni,

Ann am fireantas cridh,

Ann an gniomh, ann an gradh,

Ann am brigh, ann am baigh,

Air sgath do Phais.

A Chriosd a ghrais

Gu la mo bhais

Gu brath nach treig mi!

O gu la mo bhais

Gu brath nach treig mi!