DUAN NA DILINN [81]

Di-luain thig an doireann trom,

A shileas am bith eutrom,

Bithidh sinn umhail gach greis,

Gach uile na dh' eisdeas.

Di-mairt thig an t-sian eile,

Cradh chridheach, cruaidh pheinneach,

A shileas na gruaidheana glana,

Frasa fala fiona.

Di-ciadain a sheideas gaoth,

Sguaba lom air shrath is raon,

Dortadh oiteag barra theann,

Beithir bheur's reubadh bheann.

Di-ardaoin a shileas an cith,

Chuireas daoine 'n an dalla ruith,

Na 's luaithe na 'n duil air an fhiodh,

Mar bharr mhic-Muir air bhalla-chrith.

Di-haoine thig an coinneal dubh,

Is eitiche thainig fo'n t-saoghal;

Fagar an sluagh braon am beachd,

Fiar agus iasg fo'n aon leac.

Di-sathuirne thig am muir mor,

Ag iomairt air alt aibhne;

Bithidh gach uile mar a shnodh

Ag altachadh gu sliabh slighinn.

Di-domhnaich a dh' eireas mo Righ,

Lan feirge agus iminidh,

Ag eisdeachd ri searbh ghloir gach fir,

Crois dhearg air gach guala dheis.