BEANNACHADH GARMAIN [112]

Beannaich, a Thriath nam flath fial,

Mo bheirt's gach sian a ta 'n am choir,

Beannaich, mi 'n am uile ghniomh

Dean mi tiaruinte ri m' bheo.

Bho gach gruagach is ban-shith,

Bho gach miorun agus bron,

Cuidich mi, a Chuidich-Thi,

Fad's a bhios mi 'n tir nam beo.

An ainm Mhuire mhin nam feart,

Chalum-chille cheart nam buadh,

Coistrig ceithir phuist mo bheairt,

Gun am beairtich mi Di-luain.

A casachun, a slinn, 's a spal,

A h-iteachean, a snath, 's a gual,

A crann-aodaich, 's a crann-snath,

Fuidheagan is snath nan dual.

Gach aodach dubh, geal, is ban,

Grisionn, lachdunn, sgaireach, ruadh,

Thoir do bheannachd anns gach ait,

Air gach spal a theid fo dhual.

Mar sin bidh mo bheairt gun bheud,

Gu'n an eirich mi Di-luain;

Bheir Muire mhin-gheal dhomh dh'a speis,

'S cha bhi eis air nach faigh mi buaidh.