1.  Sú mikilvæga skylda, sem felst í myndun nýs mannlegs lífs og hjón taka þátt í af fúsum og frjálsum vilja í samvinnu við Guð skapara vorn, hefur ávallt verið hjónum uppspretta mikils fagnaðar jafnvel þótt á tímum hafi sú skylda ekki verið án verulegra erfiðleika og álags.
 Að uppfylla þessa skyldu hefur ávallt komið við samvisku hjóna en nýlegar breytingar í þróun mannlegs samfélags hafa vakið upp nýjar spurningar, sem kirkjan getur ekki komist hjá að svara því þær varða atriði sem eru nátengd lífi mannsins og hamingju hans.