Til vísindamanna
 24.  Þessu næst beinum vér orðum vorum til vísindamanna.  Þeir geta "stuðlað að velferð hjónabandsins og fjölskyldunnar ásamt því að friða samviskuna  ef þeir með samanburðarrannsóknum reyna að varpa betra ljósi á þau skilyrði sem eru hagstæð lögmætri stjórnun getnaðar".²⁸ Það er afar æskilegt, og það hafði Píus XII einnig í huga, að læknavísindin gætu með rannsóknum á hinum náttúrulega tíðarhring ákvarðað nægilega öruggan og um leið siðferðilegan grundvöll til að hafa stjórn á barneignum. ²⁹ Á þennan hátt gætu vísindamenn, og þá sérstaklega þeir sem eru kaþólskir, með rannsóknum sínum rennt stoðum undir þau sannindi, sem kirkjan heldur fram, að "það geti á engan hátt verið andstæður milli tveggja guðlegra lögmála - þess sem stýrir lífsgetnaði og þess sem stýrir aðhlynningu kærleikans í hjónabandinu".³⁰