64. Og að lokum: Megi hinn alsjáandi Guð, stjórnandi andanna og Drottinn alls holds, sem valdi Drottin Jesúm Krist og sem valdi oss, fyrir hann, til að vera eignarlýð sinn, veita sérhverri sál, sem leitar hans dýrlega og heilaga nafns, trú og ótta, frið og umburðarlyndi, langlyndi og hófsemi, hreinleika og reglusemi, til að hún megi vera velþóknanleg nafni hans. Fyrir æðsta prest vorn og verndara, Jesúm Krist, en fyrir hann sé honum dýrðin og heiðurinn, tignin og valdið nú og um aldir alda. Amen.