6. Auk þessara manna sem stunduðu heilagt líferni hafa margir fleiri hinna útvöldu orðið að þola þrengingar og kvalir vegna afbrýðisemi annarra en með því hafa þeir gefið okkur gott fordæmi til að fara eftir. Afbrýðisemi olli því að konur voru ofsóttar og látnar ganga í gegnum hræðilegar og djöfullegar pyndingar sem væru þær Danaids og Dircae. ⁶ En þótt þær væru ekki sterkbyggðar náðu þær settu marki í trúarbaráttu sinni og öðluðust göfug laun sín. Afbrýðisemi hefur valdið slitum hjá hjónum og þannig afbakað það sem faðir okkar Adam sagði: "Þetta er loks bein af mínum beinum og hold af mínu holdi." Öfund og afbrýði hafa valdið því að miklar borgir hafa hrunið og að máttugar þjóðir hafa flosnað upp.