58. Við skulum því lúta heilögu og dýrlegu nafni hans til að við fáum umflúið það sem spekin sagði fyrir löngu að biði hinna óguðlegu. Með þeim hætti getum við dvalið í hinu alheilaga nafni tignar hans og lagt allt okkar traust á það. Þiggið ráð af okkur og þið munuð einskis iðrast. Svo sannarlega sem Guð lifir, sem Jesús Kristur lifir og Heilagur Andi einnig, sem eru trú og von hinna útvöldu, svo sannarlega mun sá maður sem af auðmýkt og göfuglynd fer eftir þeim lögum og fyrirmælum sem Guð hefur gefið, teljast meðal þeirra sem hafa verið frelsaðir af Jesú Kristi, en fyrir hann er Guð dýrlegur gerður um aldir alda, amen.