12. Mér er það að fullu ljóst hver ég er og hverjir þið eruð sem ég skrifa til. Ég er hinn fordæmdi, þið njótið náðar. Mín bíður voðinn, þið búið við öryggi. Þið eruð hliðið sem dauðinn leiðir okkur í gegn til návistar við Guð. Þið hafið reynst hæfir að lifa þeim sama leyndardómi og okkar sæli og nafntogaði Páll sællar minningar (megi það koma í ljós að ég hef fetað í fótspor hans þegar ég kem til Guðs), sem hefur minnst ykkar í Kristi Jesú í hverju bréfi sínu.