III.

Ritus servandus in danda pontificia benedictione244

Sacerdos, nullis circumstantibus ministris, stola et superpelliceo indutus, ut [240]in Rituali praescribitur, cum agitur de benedictionibus, quae extra Missam presbyteris permittuntur, ante altare genuflexus sequentibus verbis Dei opem imploret:    V/ Adiutorium nostrum in nomine Domini.

   R/ Qui fecit coelum et terram.

   V/ Domine, exaudi orationem meam.

   R/ Et clamor meus ad te veniat.

   V/ Dominus vobiscum.

   R/ Et cum spiritu tuo.

  Deinde stans sequentem recitet orationem:

Oremus

  Omnipotens et misericors Deus, da nobis auxilium de Sancto, et vota populi huius in humilitate cordis veniam peccatorum poscentis, tuamque benedictionem praestolantis et gratiam, clementer exaudi; dexteram tuam super eum benignus extende ac plenitudinem divinae benedictionis effunde, qua bonis omnibus cumulatus, felicitatem et vitam consequatur aeternam. Per Christum dominum nostrum.

   R/ Amen.

  Post quam, ad cornu Epistolae accedat (et stans in cornu Epistolae), non [241]trina, hoc est, triplici signo crucis, sed una benedictione, unico videlicet signo crucis, benedicat, proferens alta voce haec verba:

 - 243 -

  Benedicat vos omnipotens Deus + Pater, et Filius, et Spiritus Sanctus.

   R/ Amen.