Scena Decima. Zorzetto, poi donna Catte, poi Orsola

ZORZETTO A mi carogna? Desgrazià, baron. (con dei sassi)

Vòi trarghe in tel balcon de le pierae.(tira dei sassi nella finestra di Lucietta)

DONNA CATTE Coss'è ste baronae? (sull'altana)

ZORZETTO Tocco de vecchia matta, chiappa questa. (le tira un sasso)

DONNA CATTE Aggiuto; una pierada in te la testa. (entra)

ORSOLA Coss'è stà? cossa fastu?

ZORZETTO Gnente, siora.

ORSOLA Via, vien dessuso. No ti vien gnancora?