Scena Undicesima. Anzoletto di casa, col palosso, poi Lucietta, poi Gnese, poi Zorzetto

ANZOLETTO Via, sior cagadonao.

ORSOLA Zorzi! fio mio! (gridando forte sul poggiuolo)

ZORZETTO (fugge in casa)

ANZOLETTO Vien de fuora, baron.

LUCIETTA Anzoletto, fio mio. (sull'altana)

GNESE Zente, custion. (sull'altana)

ANZOLETTO Baroni, mare, e fio.

ORSOLA Tiò, desgrazià. (dal poggiuolo gli tira un vaso)

LUCIETTA, GNESE Aggiuto!

ANZOLETTO Vien de fuora, se ti è bon. (ritirandosi)

ZORZETTO No gh'ho paura. (con un bastone)

LUCIETTA Indrio con quel baston.