Scena Terza. Lucietta e donna Catte

LUCIETTA Siora mare, contème.

DONNA CATTE Oe, sta aliegra, fia mia.

Ancuo, col torna, el vol sposarte.

LUCIETTA Eh via!

DONNA CATTE Ma mi ho fatto pulito. Gh'àstu gusto?

LUCIETTA E la sartora no m'ha fatto el busto.

DONNA CATTE Eh che quel, che ti gh'ha; xè bon, e belo.

LUCIETTA Dov'èlo andà Anzoletto?

DONNA CATTE A tiòr l'anelo.

LUCIETTA Dasseno?

DONNA CATTE Sì te digo.

LUCIETTA Gnese. (chiama)

DONNA CATTE

Tasi;

No ghe lo dir gnancora.