| Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
| Carlo Goldoni Le baruffe chiozzotte IntraText CT - Lettura del testo |
PAS Marlo!
LUC. Fradelo!
PAS. Andé via.
LUC. No ve lassé trovare.
TON. Tasé tasé, non abbié paura, tasé. Xé vegnùo a trovarme paron Vicenzo, e el m'ha dito, che l'ha parlà co sior Canceliere, che tutto xé accomodao, che se può caminare.
ORS. Sentìu?
LIB. Ve l'avèmio dito?
CHE. Sèmio nù le busiàre?
ORS. Sèmio nù, che ve vôl sassinare?
BEP. (a Pasqua e Lucietta) Còssa v'insuniéu? Còssa v'andéu a inventare?