Scena Quarta. Checca e Rosina

Checca: Cossa diseu? che boccon de pettegola?

Rosina: E stimo, che la ghe vòl ben a la so parona.

Checca: Ben da massère.

Rosina: Per cossa gh'aveu dito, che no volè impazzarvene per nostro zerman?

Checca: Siora sì; ghe dirò de volerlo far: acciò che custìa lo vaga spantegando per la contrada.

Rosina: Siben, siben gh'avè rason.

Checca: Oh mi, fia mia, son una, che le pensa tutte.