Scena decima. Amelia e detti.

AMELIA.  Che beleza! Anche el guardian lavora.

STEFANO.  No me piasi de star cole man in man e cussì… (Imbarazzato.)

AMELIA.  Ma anzi! Lavora pur! Mi me piasi la zente che lavora! Ti vol una iozza de rum?

STEFANO.  No xe veramente la mia ora ma se la xe cussì bona no voio farghe el smaco de rifiutar. (Beve il bicchierino offertogli.)

AMELIA.  De là i lavora che xe un piazer. In oto giorni gaverà la casa più lustra de Trieste. Adesso vado in cusina a conzar la coga.