IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Messer Menego, Nane, Tita, poi il Cantiniere
CANT. Eccomi.
MEN. Caro sior eccomi, portè una grossa de molesin.
CANT. Che cosa è questo molesino?
MEN. Oe, no l’intende cossa che vol dir molesin. Vin dolce, vin dolce.
CANT. Vi servo subito. (parte)
NANE Sti foresti no i sa parlar. I xe tanti papagai.
TITA Anca mi crio, ma po la me passa.
MEN. Can che baia, no morsega.
NANE Mare de diana, che no vogio però che nissun me zappa su i pie.
MEN. Tra de nualtri se disemo roba, se demo co la ose; ma, co dise el proverbio, can no magna de can.
NANE Sì ben, ma a l’osteria no se va senza le so tatare. No se sa cossa che possa suceder.
TITA Se vien l’ocasion, piutosto dar che tior suso.
(Viene il Cantiniere colla boccia di vino e tre bicchieri)
CANT. Eccomi. (versa il vino nei bicchieri, e parte)
(bevono) |
|
MEN. Vegnì qua, mazzémo un turco61. Viva i amici. (si toccano i bicchieri)
TUTTI Evviva.
MEN. Oe, amici, sta grossa la zoghemio?
MEN. Mi solo contra vualtri do.
NANE Sior no, a batifondi. Tuti per le soe.
MEN. Ai quanti?
MEN. Al toco a chi ha da scomenzar. Toco mi, butemo. (buttano tre per uno, e Menego conta)
NANE Anemo, e no me fe scaleta.
MEN. Mi vegno real, compare. (giocano tre o quattro colpi)
MEN. E uno. A vu, compare Tita.
TITA A mi. Ve chiapo a la prima. (giocano come sopra) A vu, sier Nane.
NANE Co mi? Sè in cotego62. (giocano)