IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
CAT. Sorela, astu sentio a bater?
BETT. Mi no.
BETT. Pasqualin? Oh siestu benedeto! Dov’èlo le mie vissere? Vienlo de su?
CAT. Gh’ho paura che nol se ossa.
BETT. Mi, mi gh’anderò incontra. Caro el mio ben, el cielo me l’ha mandao. Oh Dio, che no posso più! (parte)
CAT. Siora marchesa, andemo in st’altra camera.
BEAT. Perché?
CAT. No la sente che xe qua Pasqualin?
BEAT. E per questo? Che importa?
CAT. No la sa che xe tre zorni che nol vien a casa de so mugier?
BEAT. Cara signora Catte, mi fate ridere, benché non ne ho voglia. (parte)
CAT. Fegurève se Betina vol sugizion! So come che la xe fata co so mario. (parte)