SCENA DICIASSETTESIMA

Bettina e Pasqualino

BETT. Vien qua, le mie vissere, vien qua, el mio cuor. Cossa gh’astu, che ti me par sbatuo?

PASQUAL. Oh, cara mugier...

BETT. Cara mugier ti me disi? Cara mugier? Benedeta quela boca! Me vustu ben?

PASQUAL. No gh’ho fià de parlar. Se savessi cossa xe sucesso?

BETT. No me far morir, vita mia. Cossa xe stà?

PASQUAL. Lelio xe stà mazzà.

BETT. Poverazzo! Distu dasseno? Ghe gieristu ti?

PASQUAL. Giera poco lontan.

BETT. Astu abuo paura? Fate trar sangue. Oe, Cate.