SCENA SECONDA

Brighella, poi don Sancio

BRIGH. Sfazzadon, càzzete avanti. Vint’anni son che lo servo; spero che nol me cazzerà via coi calzi.

SANC. Che cosa vuoi tu qui?

BRIGH. Ah, Eccellenza, son qua ai so piedi a dimandarghe per carità...

SANC. Quello che fa don Sigismondo, è ben fatto. Non voglio altri fastidi.

BRIGH. Quel che la comanda; anderò via, no la supplico de tegnirme, ma solamente che la me ascolta per carità.

SANC. Via, sbrigati, cosa vuoi?

BRIGH. Xe vint’anni che son al servizio...

SANC. Se fossero anche trenta, non sei più buono, non fai più per me.

BRIGH. Chi ghe l’ha dito, Eccellenza, che no son più bon?

SANC. A te non devo rendere questi conti. Sei licenziato, vattene.

BRIGH. Anderò, pazienza, anderò. Ma zacché ho d’andar, almanco per carità la fazza che i me daga el mio salario che avanzo.

SANC. Come? Avanzi salario? Di quanto tempo?

BRIGH. De do mesi, Eccellenza; ma no solamente mi, ma tutta la servitù. E avemo d’andar via, senza quel che s’avemo guadagnà colle nostre fadighe?

SANC. Non posso crederlo. Io il denaro l’ho dato, e voi sarete stati pagati.

BRIGH. Ghe zuro da omo d’onor che no semo stadi pagadi. In vint’anni che la servo, polela mai dir che gh’abbia dito una busìa? Che gh’abbia mai robà gnente?

SANC. Ma come va la cosa? Il denaro l’ho dato al segretario.

BRIGH. Do mesi l’è che non avemo un soldo, e perché son andà mi a nome de tutti dal sior segretario, el n’ha perseguità, el n’ha fatto licenziar, el n’ha cazzà via.

SANC. Eccolo ch’egli viene. Sentirò da lui.

BRIGH. Son qua a sostener in fazza sua...

SANC. Va in sala e aspetta che ti farò chiamare.

BRIGH. Eccellenza, se el parla lu...

SANC. Va via.

BRIGH. (Ho inteso. No femo gnente). (da sé, parte)