IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
DONNA PASQUA Vòi scoar sto campiello;
Sempre ste frasconazze
Le magna i biscoteli da Bologna,
E tutto le trà zo, ch'è una vergogna.
Lasso, che tutti pensa a casa soa;
E no vòi per nissun fruar la scoa.(va scopando dinanzi la sua porta)
ORSOLA Oe dixè, donna Pasqua; donna Pasqua.
ORSOLA Za che gh'avè la scoa, fème un servizio,
Qua davanti de nu.
DONNA PASQUA Quelo, che fazzo mi, fèlo anca vu. (spazza sul suo)
ORSOLA No ve faressi mal, cara madona.
DONNA PASQUA (Vardè, che zentildona!).
ORSOLA El xè un pan, che se impresta.
DONNA PASQUA (La vol, che se ghe fazza la massera.
Chi crédela, che sia sta frittolera?).
ORSOLA Slongar la scoa un tantin
DONNA PASQUA Cossa? (No sento ben quel, che la diga).
ORSOLA Digo cusì, sorela, che a sto mondo
Quel, che servizio fa, servizio aspetta.
DONNA PASQUA Mi sorda? Sta mattina
Una flussion se m'ha calà za un poco;
Ma credo che sia causa sto siroco.
DONNA PASQUA Cossa voleu da mi? (s'accosta)
DONNA PASQUA Sì ben, no fazzo miga
Per no voler scoar la vostra porta;
Ma no vòi, che ste frasche, che sta qua
ORSOLA Via, via, gh'avè rason; disé, fia mia,
Che la laora: oh, no ghe xè pericolo
Che in ozio la se veda in ste zornae.
ORSOLA La xè una puta, che me piase assae.
DONNA PASQUA Dasseno la xè bona. (si mette a spazzare alla casa di Orsola)
DONNA PASQUA De quele no la xè...
Se me capì...
DONNA PASQUA E per dir quel, che xè, non la xè bruta.
ORSOLA Caspita! la xè un fior.
DONNA PASQUA N'è vero, fia? (spazza più forte)
DONNA PASQUA Credèlo; la laora tutto el dì.
Ma me capiu, fia mia? fala danari.
ORSOLA Qualchedun la torave senza gnente.
ORSOLA No m'intendè? vegnì darente.
DONNA PASQUA Cossa diseu, sorela?
Vegnì de su da mi; vòi, che parlemo.
DONNA PASQUA (Chi sa, che co so fio no se giustemo?).