IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
DONNA CATTE Vegnì con mi, fio mio.
DONNA CATTE Sta puta ve vol ben, vu vegnì qua;
Tempo avè tiolto de sposarla un ano,
A farlo ancuo no se ve pol sforzar;
Ma mi la guardia no ghe vòi più far.
Che za, che no volè sposarla adesso,
La sposeria, ma no se pol gnancora.
Suso una botteghetta
Come presto de far me proverò,
DONNA CATTE Mi no digo, che el fè, co no podè;
Ma intanto slontanéve.
ANZOLETTO Co sto parlar me fè vegnir la freve.
Sotto qualcossa.
El me fava aspettar, nol la feniva;
Me la recordo ancora,
La gh'ha dito: sior Boldo, o drento, o fora.
ANZOLETTO Lassé, che ve prometto
De far più presto, che se poderà.
DONNA CATTE Ma intanto mi no vòi, che vegnì qua.
ANZOLETTO Mo perché, cara siora?
ANZOLETTO Xèla stà gran fadiga a star con nu
DONNA CATTE Prima de tutto ve dirò de sì;
ANZOLETTO Sì ben, sì ben, me saverò chiarir.
DONNA CATTE Cossa sospettereu?
De darla a qualchedun.
DONNA CATTE No, la mia zoggia.
Ve dirò, per chiarirve; caro fio,
Me salta i schiribizzi...
No posso far la guardia a do novizzi.
ANZOLETTO Squasi me fè da rider.
DONNA CATTE Mo per cossa rideu?
Perché ho dito cusì me minchioneu?
Povero sporco, se savessi tuto!
Ma no ve voggio dir, perché sé puto.
Presto, presto voressi destrigarve,
Per voggia, che gh'avè de maridarve.
DONNA CATTE O per questa, o per quela
Qua no vegnì, se no sposé Lucieta.
ANZOLETTO No voria co le scattole
Zirar per la città, quando la sposo.
DONNA CATTE Oe saressi zeloso?
Mi ve dago una fia ben arlevada,
Che la podè menar in t'un'armada.
ANZOLETTO Ma quel poco de dota,
DONNA CATTE Vederò de inzegnarme,
Ghe darò i so manini, el so cordon,
Un letto belo, e bon coi so ninzioi,
E quattro paneseli per i fioi.
ANZOLETTO Quattro soli? no ghe n'avè de pì?
DONNA CATTE Ghe n'ho, ma i altri i vòi salvar per mi.
ANZOLETTO Oh che cara donetta, che vu sé.
DONNA CATTE Sior sì, cusì la xè.
Ghe darò do vestine, e tre carpette
Una vesta, un zendà, che xè bonetto,
Tutto el so bisognetto;
E po, come xè stadi i nostri pati,
Mi ve darò a la man diexe ducati.
ANZOLETTO I gh'aveu mo sti bezzi?
Ma presto i troverò.
Se vago co la puta in do, o tre case,
Che ne faremo più de vinti.
DONNA CATTE Cossa credeu, che i li darà per ela?
Per mi, vedè, per mi, che se savessi,
E co i me vede, i me darave el cuor.
ANZOLETTO (Orsù, ghe voggio ben, e co sta vecchia
Tòrghela da le man voggio a dretura).
DONNA CATTE Cusì, sior Anzoleto,
Diseu de sì, o de no?
ANZOLETTO Anca ancuo, se volè, la sposerò.
DONNA CATTE Mi ve la dago subito. Lucieta. (chiama)