IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Un desinar per tutti; e dite al cuoco,
LUCIETTA No, no, aspettè, che mi vòi ordenar.
LUCIETTA Volemo i risi co la castradina,
E dei boni capponi, e de la carne,
E un rosto de vedèlo, e del salà,
E del vin dolce bon, e che la vaga;
E fè pulito, che el compare paga.
ORSOLA Ma sior compare me le pagherà.
SANSUGA Xèla contenta de sto bel disnar? (al Cavaliere)
CAVALIERE Io lascio far a loro.
CAVALIERE Se non importa a me, che importa a voi?
DONNA CATTE Che ghe sia del pan tondo.
DONNA PASQUA Fène de la manestra in quantità.
ZORZETTO Quattro fette rostìe de sopressada.
DONNA CATTE De le cervele tenere.
ORSOLA Bisogna sodisfarne.
SANSUGA Deboto è più la zonta della carne. (parte)