SCENA NONA

Pantalone solo.

PANT. Ho inteso. Custìa la xe una femena che intende le parole per aria; la se n’ha accorto che ghe voggio ben, che gh’ho per ela della passion; sentindome parlar de matrimonio, la prevede che m’intendo parlar de ela, e in sta etae che son... bisogna che no ghe comoda un vecchio. No so cossa dir. Da una banda la compatisso, ma dall’altra sento che ogni dì più me scaldo, e no so come che la sarà.