SCENA TERZA

Brighella e la suddetta.

BRIGH. Servitor umilissimo.

BEAT. Oh Brighella, che vuol dire che son due giorni che non ti vedo?

BRIGH. Ho avudo un poco da far, e adesso son qua a darghe una bona nova.

BEAT. Toccante forse il signor Ottavio?

BRIGH. Appunto, una bona nova de lu. S'ha trovà un impiego, e el starà ben.

BEAT. Davvero? Me ne rallegro. Che impiego ha egli ottenuto?

BRIGH. El sarà primo ministro del negozio del sior Pantalon dei Bisognosi.

BEAT. Ma come, se egli mi ha detto più volte, che di mercatura non se ne intende?

BRIGH. Eh, che quella testa sa de tutto. L'è un omo pronto, no ghe manca chiachiare. Sior Pantalon l'ha sentido a parlar, e el s'ha incantà; el gh'ha scomenzà a infilzar suso trenta o quaranta termini mercantili con franchezza, con spirito, tanto che sior Pantalon s'ha voltà, e l'ha dito: oh che omo de garbo!

BEAT. Non vorrei ch'egli si mettesse all'impegno, e poi restasse con vergogna.

BRIGH. Eh via! No la ghe fazza sto torto. L'è un omo che sa de tutto; e po, quel che nol sa, l'è capace de impararlo in t'un bader d'occhio.

BEAT. Come ha fatto a introdursi dal signor Pantalone?

BRIGH. Mi l'ho introdotto. Ho savesto che el primo zovene del sior Pantalon s'aveva licenzià. Ho domandà a sior Ottavio se el giera negozio per lu, el m'ha dito de sì. L'ho menà a drittura dal mercante, i s'ha parlà e come che ghe diseva, presto, presto i s'ha convegnù.

BEAT. Io resto attonita. Quanto gli darà di salario?

BRIGH. Per el primo anno tresento scudi all'anno, e po a misura del so merito i crescerà.