SCENA VENTIQUATTRESIMA

Brighella, Pantalone ed Ottavio

BRIGH. Cossa gh'è, coss'è stà? Sempre cosse nove.

OTT. Ah Brighella, aiutatemi.

PANT. Sì, aiutèlo sto omo grato, sto omo da ben, che po el dirà in premio dei vostri benefizi, che sè ignorante e ustinà.

BRIGH. A mi sta roba?

PANT. Brighella, menémelo via de qua; e za che vu sè stà quello che me l'ha introdotto, siè quello anca che lo fazza partir, se no volè véder un omo raccomandà da vu, andar via colla testa rotta. Via, lengua de vacca. (parte)