IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Sior Baseggio in maschera da rigattiere vien cantando, e dette.
BAS.Chi ha drappi vecchi da vender.
Chi ha cuori d’oro90 vecchi da vender.
El xe qua el strazzariol
E nol la vol sporchetta.
Che se possa esitar,
Ma prima de comprarla
Chi ha cuori d’oro vecchi da vender.
ORS. Sior Baseggio. (a sua madre)
LUG. Bravo, mascara, bravo, tirè de longo?
ORS. (Anca siora Lugrezia lo cognosse?)
BAS.Son qua, patrona bella, (al balcone di Lugrezia)
Fa parer abbondanza91.
La se confida in mi,
E no le se vergogna.
Chi ha cuori d’oro vecchi da vender.
ORS. (Stimo che el ghe la canta a ela). (da sé)
LUG. Mascara, gh’aveu confetti?
BAS. Se la comanda, la xe parona.
ORS. Séntela, siora mare? (a Fabia)
LUG. Voleu vegnir de suso? (a Baseggio)
LUG. Aspettè, che calerò zoso el cestello.
ORS. (Malignaza! Tutti i omeni la i vol per ela). (da sé)
LUG. Via, da bravo, feve onor. (cala il cestello)
BAS. La compatissa, sala, el povero strazzariol el fa quel che el pol. (mette dei confetti nel cesto)
ORS. (Suo da la rabbia). (sua madre la vuol menar via) Siora no, voggio star qua. (a Fabia)
Tutta la xe per ella;
Che comodar me possa,
Contratterò all’ingrosso.
Chi ha cuori d’oro vecchi da vender. (parte)
LUG. Oh che caro matto! El gh’ha speso ben el zecchin in te l’abito.
ORS. Voggio andarghe drio. (sua madre fa moto di no) Ghe digo che voggio andarghe drio. (la madre la trattiene) Se no la vol vegnir ela, che la lassa star. (parte correndo, e la madre la seguita)
LUG. Mo se vede i gran spettacoli de mascare. Quella vecchia xe la mia tentazion. Pagarave do soldi a saver chi la xe.