SCENA SESTA

Siora Giulia in tabarro e bautta, siora Chiaretta in maschera, e detta.

TON. Chi mai xe ste mascare che varda in qua?

CHIAR. (Saluta Tonina con le mani)

TON. Adesso le cognosso. Patrone, patrone. Le resta servide. Tonia96, avèrzighe. (va dentro)

GIU. Vela là la casa de la siora vedoa.

CHIAR. Qua la sta?

GIU. La sta qua quella bella zoggia97.

CHIAR. Cossa fali che no i averze da siora Tonina?

GIU. La massera no averà sentio.